急忙回家迎接新「女兒」！全球得500架！郭富城豪華750萬買超跑！

最近染咗一頭金髮嘅郭富城，日前出席完慈善活動後，即趕住返屋企，唔通掛住老婆同囡囡？可能系，但亦可能唔系，因為佢為咗件新玩意。向來出名愛車嘅城城，先後收藏過多部限量版名車，架架車都動輒幾百萬，甚至過千萬。本月1日，佢出席完活動後，即趕返屋企，原來有件新玩意等緊佢。

當日下午約4點左右，陳先生坐車經過城城位於大坑道嘅屋苑時，見到屋苑外有一部大型貨車，正卸下一架黑色超級跑車，陳先生話︰「我坐車經過見到架大貨車停咗喺行人路上，留意到落緊架黑色跑車，戴住帽嘅城城，企喺度全程睇住架車落地，之後仲影相。」

陳先生表示因為架跑車落地時好高調，所以先留意到，陳先生話︰「架貨車停喺行人路上，經過一定見到，好高調。」睇番陳先生拍嘅相同片，睇到穿藍色衛衣，孭住背囊同戴住帽嘅城城，全神貫注睇住部車，仲同身旁嘅外籍人士好好傾，之後城城仲用電話影架車落地嘅情況。

據了解，城城呢架新車系限量版超跑，全球只有500架，仲系以已故車神冼拿嚟命名，價錢方面當然唔平，大約要750萬港幣，成層樓嘅價錢。

?城城睇住架車從貨車卸落地。?呢架跑車，車價要成750萬。

喜歡這篇文章嗎？立刻分享出去讓更多人知道吧！