古巨基冇否認太太有喜　綠葉夫妻再得一子　張晉蔡少芬上熱搜

娛樂 12-13

今日快報

麥明詩生日有驚喜　連Matt Damon都inbox佢？

前港姐冠軍麥明詩今日（11日）正日27歲生日喇，佢尋晚11點幾就已經出post自祝生日快樂，當中就提到剛剛過去一年開初都唔太順利，又自我矛盾又迷茫中掙扎又剩咁，仲話今年生日希望學識「不順利中仍懂得開心」，都…有啲灰…

But！過去嘅一年諗咩吖，事關新一年，仲要系生日正日，佢竟然收到荷里活影壇巨星Matt Damon嘅Inbox！留言一開波就自我介紹系荷里活演員，喂手就話有興趣想認識嚇麥明詩，仲講到明對佢有興趣添！認真一睇，原來……系個假Acc嚟，但系麥明詩依然將佢upload上社交網，今日要喺工作中度過嘅佢又自爆已經收到驚喜生日禮物，睇嚟今年佢都唔會再話個頭開得唔順利喇啩？！

阿佘豪送生日禮物搞喊好姊妹

藝人康華於12月5號過了她人生最感的生日，笑言當日更流下淚來。私下與佘詩曼感情要好的康華，覺得人生有這好姊妹已經很幸運，並大讚阿佘為人有義氣，在娛樂圈各有各忙的生活，都可以記得自己的生日，並送上禮物，那刻真的感動落淚。

康華說：「阿佘真系好難得，佢一早打畀我叫夾期出嚟食生日飯，仲買咗一份之前我見過但唔捨得買嘅禮物，佢話見我兩眼發光，咁鐘意咪買畀你囉！嗰刻我聽到真系好感動，喊咗出嚟，因為人生有幾何有咁好嘅朋友，嗰份心意唔系用錢衡量！」

張晉最淆蔡少芬講乜？

藝人蔡少芬因為普通話麻麻，故被網民起花名「蔡涼涼」。早前佢喺內地劇《海上嫁女記》一邊揸車一邊rap，片段播出後已經獲唔少網民關注，事後蔡少芬話自己睇番亦都忍唔住笑！而近日網上瘋傳一段張晉嘲笑老婆蔡少芬普通話嘅片段，片中張晉一邊打邊爐，一邊話：「別個都說的，天不怕地不怕，斗怕重慶人說普通話。喝別個（騙人）！我看是天不怕地不怕，斗怕蔡少芬說普通話！」

之後，蔡少芬喺網上曬出微博熱搜「張晉就怕人蔡少芬說普通話」登上第一位嘅截圖，並留言：「…看來有人命不久巳！￥&$#+%」有網民笑指張晉好大膽，返屋企跪玻璃都唔掂！亦有網民贊呢對夫妻可愛又恩愛，系圈中嘅模範夫妻！

無遠弗屆！陳柏宇同瑞典人做廣東歌

歌手陳柏宇（Jason）與同公司的林奕匡（Phil）、葉巧琳（Mischa）、小塵埃及黃妍（Cath）到錦田，舉行遊樂團活動，作為年中遠赴瑞典斯德哥爾摩Music Camp的延續，與粉絲及Buskers又唱又玩，氣氛溫馨愉快。Jason坦言把斯德哥爾摩學到的放在新碟《Present》中：「《愛他怕他》系同瑞典嘅創作人一齊寫，仲有聖誕演唱會主題曲《You are not alone》。畢竟第一次去Music Camp，仲要去到咁遠，可以實實在在咁有啲嘢攞返嚟，真系好開心。」Phil形容這天天氣涼快，非常舒服。Cath就笑言平時很少機會這麼齊人，特別感到開心！

提到小塵埃及Mischa在Workshop教大家製作和吹奏樂器卡祖笛，小塵埃成員Pollie透露：「我哋上星期特登搵老師學點整，又??咗好多卡紙備用，點知做做嚇突然唔記得咗一啲步驟，最後要問番拍檔Jonathan，好在之後跟番進度，順利完成。」Pollie直言見到小朋友學得開心，自己也感受到那份快樂。而Mischa就在教學期間有領悟，她說：「原來教小朋友要比較有耐性，同埋用??刀真系要份外謹慎。」

細佬出世喇！43歲沈可欣再為楊證樺誕子

曾主演《是咁的，法官閣下》、《跳躍生命線》的43歲無線藝人沈可欣，2015年與藝人楊證樺結婚，翌年誕下一子楊宏志（Eugene）。早前，二人宣布懷有第二胎，更拍攝了一輯唯美大肚寫真。

今日兩人再帶來喜訊，第二胎仔仔於昨日（10日）出世，楊證樺在社交網公布喜訊：「2018年12月10日，細佬出世了，母子平安。」他還上載了一家三口合照，見到剛剛出世的仔仔戴上黃色冷帽，相當可愛。

冇否認太太有喜！古巨基：返屋企問嚇佢

歌手古巨基（基仔）舉行新碟《維多利亞》發布會，為配合大碟主題，特意選址位於油麻地的一間懷舊冰室，邊嘆美食邊唱新歌，令基仔都不禁大讚好正：「喺冰室唱歌真系第一次，喺度做發布會好有意思。（私下成日食？）茶餐廳，但入行之後就買外賣多。」續呻現時被太太Lorraine管食，又心虛自認最近肥咗：「佢話我又要出碟、宣傳、開騷，有嚴格管制我嘅飲食。（啱啱咪破戒？）為咗做嘢而食系唔會肥嘅！」講到近日有傳太太有喜，問到是否可恭喜他？基仔沒有否認、亦沒有承認，只笑笑口問太太了解：「我對佢唔系好了解，要返屋企問嚇佢。（未知系咪做爸爸？未夠日子唔講得？）我哋喺屋企好少傾偈，你咁問我就要特登問嚇佢。」