無線取消製作2019月曆，大台慳到盡！

娛樂 12-15

作為香港電視一哥嘅無線，近年業績強差人意，由過往年賺十幾億元，跌至去年只賺2.4億元，連續第4年下降。裁員消息更加系未停過，早前就解散咗體育組，TVB周刊停刊，又結束16廠運作，兼大幅裁減TVBI及Broadcast Operation Department，保守估計約有逾百名員工被裁。

2018年接近尾聲，無線為咗慳錢真系慳到好盡，過去每年都會安排藝員影月曆，送畀一班廣告客戶、員工、傳媒朋友等，而藝人亦可以每人攞到約十個月曆返屋企，送嚇畀街坊同親友，與眾同樂。但可以因為免費派發，無線今年都唔想再嘥錢，所以就決定唔安排藝人影2019年嘅月曆喇。

據悉唔少藝人都大嘆可惜，因為有份拍攝嘅藝人，亦系大台來年力捧嘅指標。好景時候，無線會因應藝人的talent拍攝唔同月份嘅主題，型男、索女，以劇集包裝等等，睇番10年前即2009年嘅無線月曆，剩系講8月份，已經出動當年仲未做視後嘅胡定欣、呂慧儀、李亞男、陳自瑤、楊秀惠等索女一齊影泳裝，個個騷長腿，真系好吸睛。可惜去年無線就已經開始「縮皮」，有兩個月份系大合照，其他都系劇集海報宣傳，真系慳水慳力！