劉德華演唱會腰斬，Fans即爆喊，買黃牛嘅喊都冇眼淚！

尋晚令人震驚嘅消息，

就係劉德華嘅跨年演唱會

宣布腰斬。

原因係華仔聲帶嚴重發炎，

佢尋晚嘅第14場唱咗一陣，

就不得不宣布腰斬。

華仔係喊住

同大家鞠躬道歉。

已經唱咗13場，

係真係幾誇張嘅數字，

終於挨唔住……

真係陰功豬……

現場嘅fans目擊呢一切，

大部分都表示理解，

話想華仔健康，

唔希望佢身體再有咩事。

而其中有部分fans就好激動，

好似呢位來自台灣嘅fans，

接受訪問即刻爆喊，

佢話真係好失望，

不過理解嘅。

新聞一出街，

眾星都推文支持劉德華，

幫佢加油打氣。

上年接棒華仔嘅千嬅

都有發聲。

呢個演唱會，

真係一波三折。

最早期因為墮馬開唔成，

今年終於開成，

又因為排隊有肢體碰撞，

搞到上新聞。

更加有人被斬傷，

最後一度要關閉票站。

到今年終於開成咗，

又發生呢單嘢，

真係好不幸，冇人會想咁。

尤其係fans。

因為去睇劉德華，

真係唔止睇場騷咁簡單。

有D粉絲係期待咗好耐，

排隊搶票，請假，搵人陪，

排除萬難來睇。

唔係香港人，

更加要計翻路費，酒店，食飯，

一系列加加埋，

真係Sad~~~~~~~

Sad還Sad，

咁餘下嘅場次要點處理？

官方話餘下嘅人可以退票。

有歌迷就趁機發泄，

話自己洗重金買咗黃牛飛，

6000買980嘅票，

最後退翻980，

而黃牛又冇影，

欲哭無淚。

Well，

只可以講一句，

唔好支持黃牛。

至於其後會否加場，

要睇華仔嘅健康狀況，

仲要睇埋紅館嘅檔期。

華仔原定係12月15號開到1月3號，

緊接著嘅係張學友嘅巡迴，

學友頭場係11號，

正常係7號開始要場。

而1月4號到6號，

檔期勉強配合到，

但係今次華仔係首次

拆咗紅館大電視嘅演唱會，

所以要喺7號前清理好現場有難度。

你哋有冇人買咗今次

劉德華演唱會噶？？？？

有嘅話，你宜家心情如何啊？？？

官方微信：可樂生活color(colorcolor818)

喜歡這篇文章嗎？立刻分享出去讓更多人知道吧！