極速上位張振朗，秘撻Viu TV文青女神？愛情事業兩得意wor！

張振朗真係極速上位

先前拍咗《牛下女高音》

《堅離地愛堅離地》《機場特警》

全部都係擔正做主角

又喺《美女廚房》做主持

備受力捧，曝光率好高

嚟到2019佢又有新作

叫做《極道怪咖》

同王浩信一齊主演

記得當時《踩過界》播出嗰陣

佢兩個真係好夾好搞笑

今次唔G會擦出咩火花呢？

講到擦出火花

最近張振朗就被爆出

秘撻Viu TV文青女神楊偲泳Renci

佢被狗仔影到

低調到訪女方西環香閨

有指二人喺朋友聚會上認識

其後極速發展成為情侶

前排張振朗出席活動

現場即席唱咗首《愛的就是你》

二人社交平台上罕有互動

但Renci就係呢個po文下邊俾like

低調隔空傳情

可能大家對Renci唔多熟悉

佢有「嫩版林嘉欣」

「巨胸陳妍希」之稱

鐘意睇書同攝影

又鐘意做運動

係唔少人心目中嘅文青女神

曾經喺《詭探》出演「神婆」一角

都幾令人印象深刻

93年出世嘅Renci

除咗拍劇都有做主持

可以好cool

同時都好可愛

網民就好like呢一pair

話金童玉女好襯

仲希望佢哋跨台合作

不過暫時嚟講

一齊拍劇應該都冇咩可能噶啦

曝光戀情後

張振朗話多謝大家關心

而家同Renci互相了解中

希望大家俾多D空間佢哋

張振朗仲大讚Renci係好女仔

話大家都好喜愛演戲

對事業有理想以事業為重

雖然而家形象幾好

但之前張振朗緋聞都唔少

同舊愛陳芷尤分手後

曾經與胡定欣、龔嘉欣、陳瀅、蔡思貝

以及《美女廚房》學徒余潔瀅傳出緋聞

Whatever la

兩個人一齊至緊要開心

張振朗同Renci呢一pair

你覺得點？

官方微信：可樂生活color(colorcolor818)

喜歡這篇文章嗎？立刻分享出去讓更多人知道吧！