明星離開娛樂圈，不做藝人，去蒙古發展旅遊業

明星離開娛樂圈，不做藝人，去蒙古發展旅遊業！

唔知大家仲記唔記得邊個系何君誠呢？佢曾經飾演過《愛·回家》嘅Billy、《踩過界》嘅陸加一及《兄弟》嘅stone等等。喺未來日子大家都可能唔會再見到佢嘅演出，因為佢已經冇再續約決定離開無線。唔單止系離開TVB，佢仲離開香港，下個月就移居蒙古準備開牧場養羊供人食用及養馬俾旅客體驗騎馬。

35歲嘅何君誠，2008年參選香港先生就順利地加入TVB，一直都拍過唔同劇集飾演唔同角色。可能之前一直未有人注意，但原來咁多套劇集入面，戲份最多加上會令人諗起佢嘅就系《愛?回家》入面嘅Billy。

點解何君誠會有咁大決定去開始佢嘅事業呢？佢個人就覺得喺TVB其實可以有好多機會，但成為藝人10年嘅佢覺得自己好似一直冇咩發展空間，就令佢覺得當一個人喺一個環境做得太耐時實在令人麻木，令到佢想試下新模式同環境發展。對於佢嚟講都可以話系一個新衝擊。

而佢決定去蒙古生活，系因為地多草原多，有一個可以開發嘅市場空間，所以就決定唔再成為一位藝人，把心一橫開一個牧場以及旅館過生活。其實一直以來，佢喺無線嘅演出都唔系話好多，正正因為呢個問題令到佢決心離開！佢覺得自己已經任性咗人生嘅10年，系時候要做一啲對父母有責任嘅事，好好養育父母。其實佢之所以決心離開，原來佢之前試過親自去蒙古考察環境，覺得好難令人相信佢會開始一個經常氣溫度出現零下嘅地方工作同生活，偏偏佢就覺得呢個系好大嘅發展機會！除咗實地考察之外，佢仲親自問咗一啲從事旅遊嘅人，都同佢講其實蒙古每年可能只系需要工作三個月，但系偏偏呢三個月就足夠一個人嘅一年生活費！咁樣聽落，真系令佢好難唔卻步決心離開無線去追夢。佢覺得一個能夠開發嘅地方，其實唔需要用好多嘅錢，只要你有心機就可以成功，就系因為憑著呢一點令到佢決心要去蒙古開創佢嘅旅遊事業。

佢早前去咗蒙古旅行一個禮拜，短短一個禮拜就令佢決意將佢鐘意嘅馬去成為佢嘅人生一部份。原來佢覺得養一隻馬實在太貴，所以佢寧願做一個牧場可以養馬，價錢合適之餘，又可以做到自己鐘意嘅事。而且蒙古人原來系好單純同平易近人，只要你肯問佢哋一定肯答，所以何君誠今次去學騎馬之餘仲同咗當地人一齊傾下生意汲取經驗。

何君誠仲表示雖然佢同無線已經解左約成為一位自由人，但佢就覺得其實成為演員就算解咗約都可以去好多唔同地方發展，機會好嘅地方就會前進。無線系一個好開始，能夠同咁多同事相識系一個好嘅緣份成為朋友。佢亦都知道其實好多藝人都系無線出身再出外發展，其實只系肯踏出一步就可以，人生雖然有好多可能都會被人搵笨嘅地方，而呢啲都系一個人成長嘅地方。

喜歡這篇文章嗎？立刻分享出去讓更多人知道吧！