演唱會飛一票難求?Supper Moment澳門加開一場回饋歌迷!
講到宜家當紅嘅香港樂隊
梗系唔少得Supper Moment啦
仲記唔記得佢哋去年嘅巡演?
廣州場一票難求呀!
係去年十一月
佢哋都終於站上紅館
連開三場演唱會
場場火爆
取得咁好成績
但佢哋都係馬不停蹄
係下月23日
佢哋就要係澳門
舉行佢哋嘅演唱會啦!
日前佢哋都嚟咗廣州
同可樂君分享佢哋嘅
「辦show心得」
睇過Supper Moment現場嘅人
相信都會畀佢哋嘅
現場氣氛所感染
佢哋每次演出都盡曬所有力
CK:「用翻一句古老嘅術語:『視覺影響聽覺』,要台下觀眾跟住你動起來,首先自己要投入。」
Tat:「用翻一句更古老嘅術語:『你哋唔攰我哋點夠膽攰!』」
去年出咗新專《Dal Segno》之後
佢哋就馬上進行咗
新專嘅內地巡演
呢張專輯本身就系想呈現
一種「現場感」畀觀眾
但係live中都會有唔同嘅改編
「唔同時間面對自己作品,都會有唔同嘅審視,經歷咗演唱會之後,會知道歌單入面仲想有啲咩元素,或者之後嘅創作都可以嘗試下。」
而講到最印象深刻嘅show
佢哋話系新專巡演嘅東莞場
因為當時場地用電好多
冷氣難以同啲燈光抗衡
所以好似焗桑拿咁
但系啲觀眾都好嗨
「真系呼吸啲空氣都係熱嘅,Sunny唱到第二首歌就要坐下透下先。但大家都覺得冇試過,問下啲觀眾都話冇試過,咁熱,反而佢哋又好嗨,覺得好難能可貴。平時啲liveshow係『熱血』,果次真係『熱氣』咯!」
去年嘅三場香港紅館
亦都喺佢哋非常難忘嘅經歷
成軍超過十年嘅Supper Moment
終於去到紅館開show
對於佢哋嚟講係莫大嘅開心同鼓勵
「我哋係臨開show前一晚,我哋入台去set嘢嘅時候,坐上去山頂位,望住所有手足為咗呢次演唱會去做舞台搭建,呢個畫面都幾印象深刻。果次係我哋成個團隊第一次係紅館演出,好似《少林足球》最後咁,我哋成班團隊嘅手足都係好滿足同喜悅。」
而紅館現場氣氛
梗係非常之好
連續三場幾乎所有觀眾
都站足三個鍾同佢哋一齊嗨
紅館三場都爆場
今次澳門場都不遜色
係第一場正式公開發售當日
D飛就全部賣曬
咁樣火爆讓佢哋決定
係2月24日再加開一場
「聽到售罄嘅消息,我哋非常之興奮。其實近呢幾年做演唱會嘅時,都有呢啲咁振奮嘅消息嘅,都會令我哋諗起一路走嚟嘅日子,因為其實我哋並唔系大家想像之中走嚟咁順利,咁亦都要感謝歌迷朋友們咁支持啦。」
「創作、出專輯、巡演」
係夾Band嘅一條線
每一次做show觀眾嘅唔同反應
同埋Live都會有唔同嘅狀況
佢哋都會保持最佳嘅狀態
因為每次都有唔同嘅體驗
令到每一場live都係佢哋珍貴嘅回憶
關於澳門站,Supper話可以透露嘅係
今次澳門嘅場地同紅館嘅
舞台構造有啲相似
所以會將紅館啲設置
盡量係澳門場還原
所以錯過香港紅館場嘅朋友
今次真系唔好錯過啦!
而做完show之後
Supper係今年都會準備
佢哋嘅國語專輯
將之前一啲佢哋
中意嘅作品重新填詞
希望可以畀更多人
發現佢哋嘅聲音
Supper Moment Live in Macao 2019
日期:2019年2月23 晚上8時
2019年2月24日(加場) 晚上7時
地點:澳門威尼斯人金光綜藝館
門票:MOP 980/780/580/380
官方購票:http://t.cn/E5EhGjj
福
利
今年可樂君自製咗揮春啊!
當然要送俾大家貼喺屋企,
聽日寄順豐絕對可以收到!
參與方式
編輯【揮春 你對可樂君嘅新年祝福】
發送到後台俾可樂君
手速最快嘅10位朋友
將會每人獲得一份六張揮春!
(中獎嘅朋友今晚就會收到回復,
記得留意可樂君嘅通知,
及時發地址來啊!)
官方微信:可樂生活color(colorcolor818)
※Game迷必睇!2019值得期待嘅遊戲大作有邊D?
※連「阿二」都冇得做?吳若希扭計失敗,隨時折埋返屋企?
TAG:可樂生活雜誌 |