張美妮宣布佗B女　王祖藍李亞男結婚4周年　楊千嬅巡唱預售爆滿

娛樂 02-17

今日快報

將婚戒紋上無名指！鍾舒祺低調簽字結婚

歌手鍾舒祺（Sukie）與本地樂隊Ever結他手李恆韜上月被揭入紙註冊結婚，二人趁住今日情人節正式簽字結為合法夫妻，恭喜恭喜！

Sukie晚上喺社交網曬出多張相片，宣布正式成為李太，佢留言：「14-2-2019從今以後，我們更彼此相愛，至死不渝。在牧師見證和祝福下，我們簽字結成了夫婦，今後我們的情人節將會是我們的結婚周年。」相中見到一對新人造型簡約，雙方父母都冇去，Sukie就只有邀請家姐鍾舒漫，非常低調。

此外，佢亦大曬同老公喺無名指紋上嘅「婚戒」，相當幸福！佢仲表示稍後會補擺婚禮招呼親友：「朋友們，抱歉我們沒有逐一報喜信，婚禮會慢慢籌備。在將來的日子，我們李先生、李太太請各位多多指教。」

結婚要先克服恐懼　孫耀威爆陳美詩犧牲大

趁住情人節身為「愛妻號」嘅孫耀威（Eric）當然要喺網上放嚇閃啦，Eric上載同老婆陳美詩（Macy）幾張合照，並留言：「她怕速度-但為了陪我也開始學滑雪了！她不懂籃球足球-但陪我看，到現在她都懂球賽規則！她懼高-但為了陪我她也考到了潛水執照！更不用說平日對我的照顧！還幫我打理好生意！還有處理一堆的生活瑣碎事！情人節快樂！愛你，永遠保護你！」唔系個個老公都肯咁公開曬命，Eric講到咁直白，相信Macy一定冧到暈！

結婚4周年！王祖藍李亞男曬背影放閃

藝人王祖藍與李亞男（Leanne）於2015年情人節拉埋天窗，對於佢兩公婆嚟講，昨日唔單單系情人節，亦系二人嘅結婚4周年紀念日。今年結婚周年尤其特別，因為唔再系二人世界，仲多咗個電燈膽寶貝女Gabrielle。Leanne喺社交網上載一張兩人背影相片，相中兩公婆十指緊扣，相當恩愛。佢亦留言多謝老公：「謝謝你為了我和寶寶所作的犧牲，用心的照顧這個家，也謝謝你帶我出來旅行散心。四周年快樂，愛你！」

最驚喜情人節禮物！楊千嬅巡唱預售火速爆滿

歌手楊千嬅的《MY Beautiful Live楊千嬅世界巡迴演唱會》，首站廣州於昨日情人節早上正式開始預售，主辦單位宣佈於開售後短短5分鐘內，購票網站經已顯示「缺貨登記」，接近2萬張門票基本售罄，反應非常熱烈！

千嬅聽到消息後說：「好開心！好多謝大家嘅支持，我覺得呢份系我暫時收到最驚喜嘅情人節禮物。今日系首場嘅預售，證明呢個充滿挑戰嘅旅程，正式啟航，我會一如以往，歇盡所能，將最好嘅舞台演出帶畀觀眾。最後祝大家情人節快樂，甜甜蜜蜜！」

張美妮宣布佗B女：系爸爸嘅小情人！

藝人張美妮佗B五個月，趁住情人節喺IG公布BB性別，佢攞住個鮮花盒：「Happy Valentine"s Day??老公知我收到粉紅色嘅花就會好開心，love you~但一向好少會送公仔俾（畀）我，我問佢點解今次會送公仔？佢話系等B女出世，個熊仔可以俾（畀）佢玩吖！難怪啲人話囡囡系爸爸嘅小情人！」網友紛紛留言恭喜佢呀！