追星一族必備！「明星周邊收納」系列用品超實用！

依家追星嘅朋友好多

無論係路人粉定係死忠粉

可能都會買幾樣明星周邊

雜誌、唱片、或者簽名照等等

買嘅時候就開心

如果買得多

要收納整理嘅時候就好煩

日本有間唱片行

TOWER RECORDS

就知道各位迷妹迷弟嘅煩惱

貼心咁推出咗一系列

專門用來收納明星周邊嘅產品

除咗收納之外

都有好多實用嘅追星小物！

首先同大家介紹最新嘅系列

行李吊牌

到處飛去追星嘅朋友

肯定都有自己經常用嘅行李箱

唔同明星有自己嘅應援色

呢個系列就俾大家揀自己idol嘅顏色

而且都可以將idol嘅拍立得

或者小卡放入去！

仲可以用來掛書包

CD帶收納本

CD一般都係用包裝盒裝住

隔離側邊個條側標

就叫做「CD帶」

呢個本子就專門用來放呢條帶

（原來呢條帶都要專門收藏？？？）

CD弔掛展示

如果喺屋企想要將CD掛出來展示

就需要用到呢個收納帶

一個可以放9張CD

當然都可以用來放其他展示品

拍立得鎖匙扣

官方周邊好中意送拍立得

或者係其他活動嘅禮物

咁珍貴嘅嘢當然要show出來！

呢個鎖匙扣

就可以剛好放入拍立得

隨身攜帶！

拍立得收納本

如果有好多張拍立得

咁就要有個專門嘅相冊用來收納

好貼心咁一共有九個顏色

一本有80個收納袋

每個袋可以放2張

其他啱size嘅小卡都可以用！

拍立得展示袋

同CD展示袋差唔多

不過size就係拍立得大細

掛喺牆上可以日望夜望！

拍立得保護袋

如果你只係單獨幾張

想要keep好

呢個袋就比較實用

歌迷隨身鏡

其實就係普通嘅小鏡子

點解話係迷妹迷弟專用咧？

除咗顏色之外

呢個鏡中間嘅位置

可以俾你自己放入中意嘅卡片

或者係idol嘅相片

資料夾收納本

有A4A5兩種尺寸

有d演唱會周邊會送文件夾

不過又唔捨得用

就可以放入呢個收納袋度

萬能收納本

尺寸係21.5 x 11cm

無論係idol嘅宣傳單張

雜誌切頁

定係其他紙質紀念品

都可以塞入去！

TOWER RECORDS嘅呢d周邊

全部都有好多顏色可以揀

大家都知明星都有自己嘅應援色

所以大家可以買齊一套

喺屋企放住都覺得好賞心悅目！

可樂君最想要全部黃色嘅收納

你估下用來收納邊個idol嘅周邊？

官方微信：可樂生活color(colorcolor818)

喜歡這篇文章嗎？立刻分享出去讓更多人知道吧！