透明風潮繼續盛行！今次輪到透明豉油！

自從透明奶茶出咗之後

日本嘅各種透明飲料

就開始咗battle

透明可樂、透明紅茶、透明咖啡...

總之咩都要透明一下

可能係透明嘅頭銜

聽起身零舍巴閉

依家就連豉油都要透明！

日本老字號醬油企業

フンドーダイ五葉

至今已經有一百五十年歷史

可能做普通豉油做到悶曬

於是乎佢哋開發咗

透明豉油

一般嘅豉油係用黃豆進行加工

暴晒發酵之後再進行一系列工序

先會最後熬煮成為可以調味嘅豉油

一般來講咁樣嘅工序之後

出來嘅液體就會係棕黑色

而呢款透明豉油

主要嘅成分都係大豆同小麥

同樣都係要加食鹽進行發酵

其實出來嘅效果都係普通豉油色

不過就加多咗一道工序

令到豉油變成無色

呢個工序應該係秘密來

商品嘅介紹頁面都無講明

豉油有顏色呢個觀念

已經係大家嘅常識

咁點解要整無顏色嘅豉油咧？

商家就表示話

因為覺得透明嘅豉油用來煮菜

更加可以突出食材原本嘅面貌

唔會因為加咗豉油而變得唔好睇

而且透明嘅豉油

就算唔小心整到件衫

都唔使擔心會留下污漬

呢款100ml嘅透明豉油

依家喺日本各大超市都買得到

售價係540日元

所以用呢個豉油煮出來嘅豉油雞

咪同白切雞無分別咯？？？

透明嘅豉油

同鹽水有咩分別？？？

官方微信：可樂生活color(colorcolor818)

喜歡這篇文章嗎？立刻分享出去讓更多人知道吧！