最愛燒腦！呢幾齣「懸疑犯罪類」韓劇熱播ing！

放假喺屋企

當然係要宅喺房間唔出門

然後瘋狂煲劇煲電影

先至係最爽嘅過法！

傻白甜類型嘅戀愛劇

來來去去都係個啲情節

睇得多都覺得厭

不如動下腦啦

最近新開播嘅幾齣韓劇

都係懸疑犯罪類型

有無呢類型片嘅愛好者舉個手？

《會讀心術的那小子》

應該唔少迷妹

都期待朴珍榮主演嘅呢齣戲

今次佢聯同辛睿恩、

金多順、金權一齊出演

故事講述嘅係有讀心術嘅男主

失去父母之後

進入咗反叛期

直到遇到重案組刑警

開始利用自己嘅讀心術能力

通過同屍體接觸

得知隱藏喺屍體之後嘅秘密

齋係沖住幾位主演

都值得一睇了！

《殺之》

《殺之》呢個名聽起身

就知道係懸疑片！

由張基龍同NaNa主演

張基龍喺戲中飾演一位獸醫

不過其實私底下

係一位冷血嘅頂尖殺手

經常幫自己嘅養父去殺人

因為細個時候被親生父親追殺

所以變成一個性格扭曲嘅人

好多人都為咗

睇張基龍嘅武打場景而追劇

女主角係刑警

不過其實私底下都有另一重身份！

《自白》

又係燒腦型韓劇！

一開頭就直接係一單殺人焚屍案

然後看似順利解決之後

點知後尾個殺人犯又再次出現？？？

呢齣戲由李俊昊、申賢彬主演

主角係殺人犯個仔

為咗查清真相成為咗律師

劇情屬於跌宕起伏

又萬萬估唔到後續嘅類型

你哋中唔中意呢種？

《囚犯醫生》

由南宮珉、權娜拉

仲有金炳哲、崔元英主演

劇名就可以估到大部分劇情

男主係一位技藝精湛嘅醫生

但係被人陷害入獄

之後為咗復仇

要同監獄入面嘅角色明爭暗鬥

主要係一開始嘅好人

慢慢喺劇情推進之後

黑化真係好帶感！

你哋中意呢種懸疑劇

定係愛情片多D？

官方微信：可樂生活color(colorcolor818)

喜歡這篇文章嗎？立刻分享出去讓更多人知道吧！