今日快報

終於圓夢！張文慈諗起都興奮

藝人張文慈出席首映活動。剛從台灣旅行返港的她，直言此行別具意義：「成家人去旅行，我仲系首次同爸爸出去玩，佢今年73歲，之前叫極都唔肯郁。今次佢話要去睇日出，最終我起唔到身，重任交咗畀家姐！爸爸依家又話想去睇雪，我諗緊下次同佢去日本。」正在放假的她下月更會與友人上郵輪游歐洲：「呢個系我兒時夢想，所以心情興奮。本來呢個願望我想同我老公去實現嘅，點知等極佢都仲未出現，我唯有自己出發先啦。」

好番好多喇！羅家英曬V孖汪明荃行山

現年72歲嘅羅家英早前因進行前列腺穿刺手術而受細菌感染，在聖德肋撒醫院留醫，健康狀況備受關注。不過佢日前終於可以離開醫院，出外走一走，佢趁今日天氣咁好，更孖老婆汪明荃一齊行山，呼吸新鮮空氣。相中見到羅家英做足防晒措施，仲高舉V字手勢，似乎心情大好！汪明荃亦透露老公身體狀況已經好番好多：「今天天氣很好！最適合戶外活動，舒展筋骨，家英哥好好多了，多謝大家關心！」

一段時間冇見卓林　吳綺莉：佢大個女喇

藝人吳綺莉（Elaine）出席福音電影首映禮。受訪時被問到女兒卓林問題時，她起先表示「今日唔好講喇」，及後她笑謂：「我生活一切如常。（勸卓林信教？）佢不嬲都信。（兩母女一起返教會增進感情？）呢樣嘢好自己，想返自然會返，我通常自己返。（系咪好耐冇見卓林？）一段時間囉。（好掛心佢？）正常父母一樣啦。（佢仲喺香港？）應該系。」

對於卓林早前指她「有病要睇醫生」，Elaine坦言：「我好少睇少看新聞，唔想心煩。（佢話同你WhatsApp溝通？）是但啦，佢都20歲，當年我17歲已選美，佢都大個女喇。（所以應該自己處理問題？）做到就做啦！」

收身唔收奶？陳凱琳胸大拜乜嘢所賜？

藝人陳凱琳出席眼鏡活動，現場所見，生完不久的她已火速收身，但上圍依然豐滿，她透露現在喂人奶，但不想大家太專註這方面：「第日冇喂，身材有變，大家又再講，最重要BB食得好，佢每次都好滿足。（升咗幾個cup？）真系冇度過。」

問會否追多個？她坦言有此打算：「我有同老公傾過，大家都想，等BB一歲後先。小朋友有好多嘢學，學唔完，有時錯手咗，先知原來系咁，好似BB有胎毒，系好常見，但都系陪月話我先知可以用金銀花或芫茜幫BB沖涼。」掛住照顧BB，老公可有詐型？她說：「老公都好錫BB。（照顧BB有冇趣事？）佢有斟茶，但當時我企前面幫佢換尿片，老公企旁邊，點知射歪咗射中咗佢。」

她又透露已逐漸復工，但以綜藝節目為主，暫不接拍劇：「拍劇遲啲先，想多啲時間照顧BB，佢日日長大都唔同，唔想錯過任何一個改變，所以做啲輕鬆嘅嘢先。」

減4磅演卧底！溫碧霞同關智斌大玩姊弟戀

藝人溫碧霞（Irene）出席英皇電影《墮落花》開鏡儀式，身為女主角的她表示今次飾演卧底：「但後尾都有不良嗜好，所以會有幻覺，同埋我都特登減咗4磅，呢個角色都幾有挑戰性。」講到戲中與關智斌（Kenny）會有色慾場面，她透露有幾場大膽場面：「呢部戲都幾多，有幾場戲系因為隊咗嘢，所以做咗幾多傻事自己都唔知。（尺度去到邊？）依家未拍未知，但睇劇本都幾激，最主要系劇情需要，做演員系要放開自己。」

問到拍親熱場面可用跟老公備案？她笑言：「唔使啦，咁大個人，難得有咁好嘅機會，我會做好自己。」問到可滿意Kenny這個「小鮮肉」？她表示：「其實我同佢會有姊弟戀，因為佢系收養番嚟嘅細佬，佢好細個已對我有份感情，我對佢就有奇妙嘅感覺，大家對大家有感覺。」她又開心香港多番不同題材的電影，亦表示這個題材很好，故電影給自己很大發揮空間。

囡囡老公喺加國　鍾嘉欣攬仔慶生

藝人鍾嘉欣（Linda）最近抽空回港工作，更帶埋囝囝Jared，難得留足三個星期。今日Linda 35歲生日，雖然囡囡同老公都身處於加拿大，未能陪佢慶生，但都有寶貝仔喺身邊。佢喺社交網分享抱住囝囝嘅相，相中Linda戴上眼鏡，以一身居家Look上鏡，而Jared眼都唔眨咁望住發光嘅生日蛋糕。另一張相，Jared戴上有「Happy Birthday」嘅派對眼鏡，仲開心到食手仔，真系萌到爆！Linda更代1歲都未夠嘅囝囝留言：「Happy Birthday Mama!」相信嘉欣有囝囝嘅陪伴，呢個35歲生日過得好滿足！

喜歡這篇文章嗎？立刻分享出去讓更多人知道吧！