王祖藍激似阿媽撞樣，女兒迷茫分不清

藝人王祖藍2015年與李亞男結婚，去年12月17日女兒王天韻（Gabrielle）出世，今年祖藍是第一年以爸爸身份過父親節，談到湊B趣事，他笑言因為自己與母親的樣子太相似，令到女兒有些「思覺失調」，在認他們時有些障礙：「我們站在一齊的時候，她會望下我又望下嫲嫲，眼神會好疑惑同迷茫。」

女兒王天韻愈大愈靚女，似足媽咪，對此祖藍非常感恩，笑言：「好奇妙，可以得到女兒呢份好的禮物，醫生幫女兒做檢查，說她的身高，在十個BB裡面，有九個系矮過她，所以我好珍惜望住她成長的每一刻，因為我可以低頭望她的時間不多；我以為我的基因好強大，好在女兒完全繼承李亞男的DNA，對眼亦好似媽咪咁靚。」

當上爸爸，對很多事都會有不一樣的體會，今年父親節對祖藍來說，更加多一重意義，亦令他更加了解及挂念亡父：「其實我之前填了一首歌叫《活現》，呢首歌好表達到我呢一刻對爸爸的感覺，『雖然在天邊，你的美麗在她身上活現，看不見 你最美容顏，她卻活在你的溫柔裡面，熟悉的笑臉 活現在眼前。』每次見到Gabrielle，我都會想起爸爸，有點傷感，亦有啲感動，所以我成日話個女繫上天給我好好的禮物。」

祖藍直言從爸爸離世後，父親節當日他都會比較沉默，不懂反應：「因為睇住人慶祝，自己又不知如何慶祝，但又掛住爸爸，都系嗰種感覺...但我又不會說好不開心，但會有種難以形容的沉默。現在多了阿女，咁就多咗個意義去過父親節，同時間亦更體會到爸爸以前就算幾咁外冷都好，其實他內心對我們都是好熱熾的。」

圈中有不少怪獸家長，問祖藍會否也是緊張大師？他謂：「我同阿男都不是，不過太多人問我，令到我覺得是不是要早啲找學校呢？但我問了身邊好多好勁的靚媽，好似毛姐（毛舜筠）、蔡少芬咁，他們都說不要這麼早，不過好似看房，找著看著，那時候都差不多。」

喜歡這篇文章嗎？立刻分享出去讓更多人知道吧！