官恩娜40歲生日 老公仔女齊慶祝

歌手官恩娜（Ella）做媽咪後就以家庭為重，專心照顧一對仔女，做個幸福媽媽。前日是她40歲生日，老公仔女就同她慶祝生日，開心模樣羨煞旁人。

Ella亦曬出多張靚相，見到Ella著上低胸連衣裙，曬出事業線，而老公就著上同色系西裝，二人悉心打扮去靚靚餐廳食飯！而一對仔女BéBé G同囡囡BéBé A，都有同媽媽慶生，認真幸福呀！

Ella亦感性發文：「記得以前做訪問成日有人問我…覺得自己10年後會係點？幾時會結婚？生不生小朋友？想要幾多個？我不是一個對人生特別有計劃的人，相信緣份到就會發生。女人四十，檢視下自己的人生… 成長路上經過不小起起跌跌，到了今日可以搵到一個覺得最開心最適的自己位置真是好感恩！雖然沒什麼大成就，只要可以每日看住自己兩個小朋友成長已經覺得好快樂！」

喜歡這篇文章嗎？立刻分享出去讓更多人知道吧！