TVB小花演技大爆發！《十二傳說》其實係「走近科學」？

well

最近可樂君追緊

《十二傳說》

上次就講完UFO

今個禮拜嘅

「盧亭魚人殺人事件」

大家有冇睇啊？

今期故事嘅主角阿盈

身世認真坎坷

飾演阿盈嘅TVB小花王卓淇

演技大爆發

令到有D觀眾都睇到喊！

不如一齊回顧下啦

話說阿盈（王卓淇 飾）

係雷叔同珠姨個女

自細喺大澳漁村長大

同易sir（張穎康 飾）係青梅竹馬

但原來雷叔同珠姨個女

即真正嘅郭曉盈

患有美人魚綜合征

天生下肢相連

7歲已經死咗

更被藏於山洞中

多年後被阿盈與阿斌喺山洞發現

佢地以為係「盧亭魚人」

仲搵咗易sir一行人

嚟到漁村裡邊研究

眼前呢個阿盈嘅真實身份

係高原集團太子女許學彤

7歲時被雷叔嘅同黨鐵線綁架到漁村

逃跑時不慎跌入水中撞到頭失憶

被精神失常嘅珠姨當成自己個女

於是綁匪雷叔將計就計

將彤彤養大成人

作為謀家產嘅工具

及後親生阿哥Tim Hui被殺

此時阿盈未知道自己身份

但聽到見過一面嘅Tim Hui死咗

不由自主感到非常傷心

之後鐵線、雷叔相繼被殺

現場布置到好似盧亭殺人咁款

其實係阿盈已經記起自己身世

以及得知阿哥係被佢地殺死

出於憎恨令二人喺世界上消失

呢一段戲阿盈對大家坦白殺人

慢慢睇住佢一路講

然後慢慢雙眼紅曬

被綁架而認賊作父廿年

失去原本富裕幸福嘅家庭

一直冇放棄尋找自己嘅親生阿哥慘遭殺手

生父身患重病命不久矣

失去嘅嘢已經返唔到轉頭

阿盈陷入崩潰

阿盈採用嘅作案技巧

燒火線同乾冰爆炸

都係從易sir之前同佢玩嘅

魔術同遊戲中學識嘅

因為阿盈自己希望

易sir可以意識到殺人嘅係佢

想由易sir親手拘捕

今次係王卓淇

第一次演繹懸疑故事

fans都好收貨

雖然都有不少反對嘅聲音

話佢演技好尷尬

但可樂君覺得

佢今次演技係OK噶

王卓淇見到fans嘅支持

po長文感謝大家

講返轉頭

睇咗咁多集《十二傳說》

每次都係背後有人搞鬼

用傳說掩飾背後嘅隱情

最後主角通過科學去解釋事件真相

真係好似睇緊「走近科學」

你覺得《十二傳說》好唔好睇？

邊個作案手法最surprise到你？

不如留言同可樂君講下啦！

官方微信：可樂生活color(colorcolor818)

喜歡這篇文章嗎？立刻分享出去讓更多人知道吧！